ما لم ولن يملكه الإنسان: الحرية والغِنى

لازم نفهم حاجة: الحرية والغِنى صفات إلهية في الأصل، والإنسان عمره ما كان ولا هيكون غني أو حر بمعناهم الحقيقي.

الحرية مش إنك تعمل اللي انت عايزه، والغِنى مش إنك يكون معاك فلوس. الحرية والغِنى الحقيقيين مختلفين تمامًا عن اللي معظم الناس فاكرينه.

- الحرية مش إنك تعمل اللي نفسك فيه

النفس نفسها جزء من القيود. رغباتك، خوفك، احتياجاتك، المجتمع، الزمن… كل ده بيقيدك.

الحرية الحقيقية هي التحرر من كل قيد داخلي قبل الخارجي.

وده شيء الإنسان عمره ما هيقدر يوصله بالكامل.

- الغِنى مش إن يبقى معاك فلوس

الفلوس بتجيب رفاهية، مش غِنى.

الغِنى الحقيقي هو الاستغناء.

إنك تكون مش محتاج حاجة، مش متعلق بحاجة، ومش خايف من ضياع حاجة.

وده برضه مش حالة بشرية كاملة… البشر بطبيعتهم دايمًا محتاجين.